Бәйгенең максатлары:
1. Кышкы салкыннарда канатлы дусларыбызга ярдәм кулын сузу - алар өчен җимлек булдыру һәм ашатып тору.
2. Фотография, интернет һәм компьютер графикалары өлкәсендә укучыларның белемнәрен ныгыту.
3. Фотосюжет ясарга һәм аның нигезендә каләм тибрәтергә өйрәнү.
4. Табигатьне саклау һәм яклау буенча пропаганда алып бару, табигатькә карата ихтирам үстерү.
Бәйге түбәндәгедән гыйбарәт:
1. Бәйгедә катнашырга теләгән укучылар иң беренче булып кулдан матур итеп җимлек ясыйлар, аны кошларны ашатырга уңайлы итеп агачка яисә өй кырына эләләр.
2. Кыш дәвамында кошларны ашаталар, аларны җимлектә утырып ашаган вакытта фотоларга төшерәләр. Бәйгегә һәр укучыдан 3 фото кабул ителә, шул 3 фотода кошлар саны күбрәк булган саен яхшырак.
3. Җимлек ясау тарихы белән бәйле яисә кошларга кыш көне үзләренең ничек ярдәм итүләре турында зур булмаган хикәя язалар.
4. 1 декабрьдән алып 31 гыйнварга кадәр "Белем.ру" форумында (http://forum.belem.ru) теркәләләр. Форумның "Сабантуй" газетасы өлешендә урнашкан "Канатлы дустым ашханәсе" бүлегендә (http://forum.belem.r...p?showforum=105) үзләре өчен яңа тема ачалар. Теманың исемендә укучылар үзләре язган хикәя исемен күрсәтәләр, теманың тасвирламасында үзләренең фамилия һәм исемнәрен һәм кайдан булуларын язалар.
Мисал:
Тема исеме: Минем нәни кошчыгым
Тема тасвирламасы: Раил Гатауллин, Казан шәһәре
Алга таба укучылар әлеге ачылган темада үзләре төшергән 3 фотоны һәм хикәяне урнаштыралар. Форумда катнашучылар әлеге фотосюжет турында үзләренең уңай фикерләрен язып калдырырга хокуклы.
Бәйгегә килгән эшләрне бәяләү критерийлары:
1. Фотосюжетлар бәйгесенә килгән фотолар аерым (max - 6 балл), хикәя аерым (3 балл) бәяләнә.
2. 2012 нче елның беренче ярты еллыгына "Сабантуй" газетасына язылган конкурсантларга тагын 1 балл өстәлә. (Моның өчен форумда Шәвәли белән дуслашыгыз һәм аңа квитанциянең электрон копиясен шәхси хәбәр итеп юллагыз)
АКТАНЫШ
ЕЛ ВАКЫЙГАСЫ
"Сабантуй" балалар һәм яшүсмерләр газетасы "Белем.ру" порталы белән берлектә чираттагы бәйгене - "Канатлы дустым ашханәсе" фотосюжетлар бәйгесен игълан итә. Әлеге бәйге аеруча табигать сөюче дусларыбыз күңеленә хуш килер, дип уйлыйбыз. Ул 1 декабрь көнне башланачак һәм кышның соңгы аенда аның нәтиҗәләре билгеле булачак. Бәйгедә I-XI сыйныф укучылары катнаша алалар.
.
.
.
.
.
.
.
.
.
.
.
.
.
.
.
.
.
.
.
.
.
