 |
|
Баш бит
19.02.13 ДӘҮЛӘТ ЙОМГАКЛАУ АТТЕСТАЦИЯСЕНЕҢ МАТЕМАТИКА БУЕНЧА КОНТРОЛЬ-ҮЛЧӘҮ МАТЕРИАЛЛАРЫНДА ҖИТДИ ҮЗГӘРЕШЛӘР БАР
|
|
 2013 нче елда 9 нчы сыйныфны тәмамлаучыларны, математика буенча Дәүләт йомгаклау аттестациясе сынауларында җитди үзгәрешләр көтә. Азмы-күпме үзгәрешләр рус теле, биология, география һәм физика фәннәренә кагыла. Җәмгыять белеме, тарих, информатика һәм мәгълүмати технологияләр, әдәбият, чит теле һәм химия фәннәре буенча үзгәрешләр юк. Бу хакта бүген Хөкүмәт йортында узган брифингта ТР Мәгариф һәм фән министрының беренче урынбасары Данил Мостафин хәбәр итте. Математика фәне өч модульдән гыйбарәт булачак: алгебра, геометрия һәм реаль математика. “Аттестация узар өчен, ким дигәндә, 8 балл җыярга кирәк, математикадан – 3 балл, геометрия һәм реаль математика юнәлешләре буенча баллар 2 дән ким булмаска тиеш. Бер юнәлеш буенча балл түбәнрәк булып, икенчесе буенча бер баллга югарырак булган очракта да, алар бер-берсен капламый һәм “канәгатьләнерлек түгел” дигән билге куела”, - дип белдерде Данил Мостафин. Рус теленә килгәндә, аның сүзләренә караганда, элек рус теле буенча ике бирем сайлауга куела иде: лингвистик темага инша-фикерләү һәм текст анализы белән бәйле инша-фикерләү. Хәзер укучыларга беренче варианты гына тәкъдим ителәчәк. Рус теле һәм математиканы кертеп, Дәүләт йомгаклау аттестациясен яңа формада барлыгы 14 фәннән тапшырып була. Традицион формада имтиханны махсус программалар буенча белем алучы укучылар, ябык типтагы һәм тәртипләре тайпылышлы балалар һәм яшүсмерләр өчен махсус уку-тәрбия учреждениеләрендә укучылар, җинаять-җәза системасы белем бирү оешмалары укучылары, сәламәтлек торышы буенча 4 айдан артык вакыт өйдә укырга мәҗбүр булган һәм дәвалау-профилактика учреждениеләрендә булган укучылар тапшыра ала. Имтиханны вакытыннан алда тапшыру өчен 20 нче апрельдән 30 нчы апрельгә кадәр вакыт бирелә. “Мондый мөмкинлек халыкара олимпиадаларга, илкүләм ярышларга, төрле конкурсларга баручыларга бирелә”, - дип белдерде Д. Мостафин. 13-17 май көннәрендә сәламәтлек мөмкинлекләре чикле булган укучылар имтиханны шулай ук вакытыннан алда тапшыра ала. Математика буенча беренче имтихан 28 нче майда узачак. 31 нче майда һәм 7 нче июньдә тарих, җәмгыять белеме, физика, химия, география, биология, чит телләр, әдәбият, информатика тапшырыла. 4 нче июньдә – рус теле буенча сынау узачак. 11 һәм 14 нче июнь көннәре резерв көннәре буларак билгеләнгән. Гөлнар Гарифуллина
|
|
|
|
|
|
АКТАНЫШ
ЕЛ ВАКЫЙГАСЫ
.
.
.
.
.
.
.
.
.
.
.
.
.
.
.
.
.
.
.
.
.
