Сезне үз сайтымда күрүемә чиксез шатмын. Бергә булыйк, бердәм булыйк!

20.09.16 АКТАНЫШТА - МӘГАРИФ ХЕЗМӘТКӘРЛӘРЕ СПАРТАКИАДАСЫ

Бүген иртәнге сәгать 09.00да район үзәге актанышта мәгариф хезмәткәрләренең җҗәйге спартакиадасы старт алды. Икенче ел рәттән оештырылучы әлеге спорт чарасы ТРсы мәгариф хезмәткәрләре спартакиадасына сайлап алу туры да булып тора.

Әгәр район педагогларының Татарстан күләмендә өченче тапкыр дәрәҗәле беренчелекне яулауларын исәпкә алсак, чара чыннан да зүр әһәмияткә ия.

Ярышларның төп максаты булып сәламәтлекне ныгыту, сәламәт яшәү рәвешен пропагандалау, һәм спорт белән системалы рәвештә шөгыльләнергә өндәү тора.

Бүген 300дән артык мәгариф хезмәткәре спартакиада программасына кертелгән спорт төрләре буенча көч сынаша, алар арасында җиңел атлетика, кыска дистанциягә йөгерү, урыннан ераклыкка сикерү, армреслинг, бадминтон, ату, канат тарту кебек ярышлар бар.

Чараның рәсми ачылышы “Актаныш” спорт комплексында үтте. Спорт сөюче педагогларны район башкарма комитеты җитәкчесенең социаль мәсьәләләр буенча урынбасары Дилбәр Әнвәрова сәламләп, һәркемгә уңышлар теләде.

Спартакиада “Лачын” чаңгы – роллер трассасында дәвам итте. Беренчеләрдән булып җитәкче гүзәл затларыбыз үрнәк күрсәтте: 500 мерт аралыкны вакытка йөгереп узды алар.

Чараның беренче спорт ярышы Яхшый мәктәбе коллективына тәүге җиңүне бүләк итте.

Көчле затлар исә 1000 метрга йөгереп, үзара иң җитез җитәкчене ачыкладылар.

Ир-ат директорлар арасында беренчелек Татар Ямалы мәктәбе директоры Илнур Хүҗинга бирелде.

Гомумкоманда урыннары:

Төп мәктәпләр арасында:

3 урын. Теләкәй мәктәбе

2 урын. Такталачык коррекцион мәктәбе

1 урын. Меңнәр мәктәбе

Урта мәктәпләр арасында:

3 урын. Пучы мәктәбе

2 урын. АСОШ №1

1 урын. АСОШ №2

Безнең укытучылар да әлеге спартакиада сынатмадылар: Зөлфия Әхмәтова армреслинг буенча - II, Айсылу Шакирова - бадминтон буенча - III урыннарны яуласа, аркан тарту буенча мәктәп командасы - II урынга ия булды. Аларны әлеге уңышлары белән ихластан котлыйбыз!!!