 Бүген Татарстан Президенты Рөстәм Миңнеханов ТР Актаныш районында эш сәфәрендә булды. Биредә ул төрле объектларны карады һәм җирле актив белән очрашты. Президентка “Бөек Ватан сугышы ветераннарын торак белән тәэмин итү” программасы буенча төзелгән шәхси торак йортларны күрсәттеләр. Җиңүнең 65 еллыгы урамында 25 кирпеч йорт төзелгән. 10 ветеран, фронтовикларның тол хатыннары һәм тыл хезмәтчәннәре яңа торакка күчкән инде, якын арада тагын 7 ветеран яңа торакта яши башлаячак. Аннары Рөстәм Миңнеханов “Актаныш агрегат заводы” ЯАҖ эшчәнлеге белән танышты. Республика җитәкчесенә заводның һәм гомумән Актаныш районы уңышлары тәкъдим ителде, аннары предприятие эшчеләре белән аралашты. Эшчеләр заводта эшләү ошый, хезмәт хакы да яхшы дип белдерде. Заводның инвесторы – “Татарстан Республикасы Инвестиция-венчур фонды”. Заводның гомуми мәйданы 2685,7 кв.метр тәшкил итә. Биредә 110 эшче хезмәт куя. Бүгенге көндә завод Татарстан сәнәгать производстволары белән актив хезмәттәшлек итә, шулай ук Ярославль, Асбест, Чиләбе, Екатеринбург шәһәрләре кебек эре сәнәгать үзәкләре белән килешүләр төзегән. Аннары республика башлыгына Актаныш районында җитештерелә торган продукция тәкъдим ителде. Рөстәм Миңнеханов гаилә фермаларында булды, шулай ук тәкъдим ителгән сөт, ит, камыр һәм башка продукцияләрне карады. Республика Президенты Актаныш үзәк хастаханәсенең төп корпусында булды. Дәрәҗәле кунакны фельдшер-акушер пункты һәм ”Үзәк район хастаханәсе эшчәнлегенең автоматлаштырылган системасы белән таныштырдылар. Бу система табибка электрон рәвештә язылу, шулай ук электрон медицина картасы булдырырга мөмкинлек биргән. Президент биредәге үзгәрешләрдән канәгать калды һәм хастаханә вәкилләренә видеокамералар урнаштырырга тәкъдим итте, алар Интернет ярдәме белән видеоконференцияләр үткәрергә һәм пациентлар белән консультация үткәрү мөмкинлеге бирер иде.
Моннан тыш, республика башлыгына офтальмология кабинеты тәкъдим ителде, бирегә кузгә операция ясарга мөмкинлек бирә торган яңа җиһаз кайтарылган, ашыгыч медицина ярдәме бүлеге урнашкан. Хастаханәдә поликлиника, ашыгыч медицина ярдәме, кабул итү һәм ярдәмчел бүлекләр эшли. Актаныш үзәк хастаханәсендә 35 табиб һәм 285 медицина хезмәткәре эшли. Биредә “Сәламәтлек” өстенлекле илкүләм проект гамәлгә ашырыла. Район хакимияте сәламәтлек саклау өлкәсенә аеруча игътибар күрсәтә. Эш сәфәре ахырында Рөстәм Миңнеханов район активы белән очрашты. (Актаныш районы, 1 декабрь, «Татар-информ», Люция Камалова). |
АКТАНЫШ
ЕЛ ВАКЫЙГАСЫ
.
.
.
.
.
.
.
.
.
.
.
.
.
.
.
.
.
.
.
.
.
